Iazko urtean, elizan abestu zuen Eragiyok abesbatzak organoz lagundutako eliz-musikako eta euskal musikako kontzertua eskainita. Hala ere, aurten beste mota bateko emanaldia eskainiko dute: «musika Astigarragako kaleetara aterako dugu, eta kalejiran arituko gara». Beraz, etzi eguerdiko 12:30etatik aurrera hasiko da musika saioa, Emakumeon Plazatik abiatuta. Ekitaldi honetan, euskal musikako pieza ezagunak joko dituzte ibilbidean zehar, Norberto Almandoz plazatik, Gure Izarra elkartearen atarian amaitu arte: «elkartea omentzeko bere mendeurrena ospatzen den honetan», eta egunak hala eskatuta, San Inazioren Martxa abestuz amaituko dute kantu jira.
Erronkak, uda ostean
Oporraldiaren ostean, irailean, hain zuzen ere, otxoteen jaialdira itzuliko dira, eta handik egun gutxira, Châtel Guyonera abiatu da Eragiyok eta bertan Recontres Internationales de Voix d`Hommesen parte hartuko du, besteak beste.k