Ohi bezala, Santio Jaiak tarteko, astebete aurreratu du uztaileko Plenoa, Astigarragako Udalak. Bihar egingo dute, arratsaldeko 19:00etan, udaletxeko areto nagusian. Gai-zerrenda laburra daukate lantzeko, eta honakoak dira gai nagusiak: 2021eko kontu orokorra; kreditu aldaketa bat, gaikuntza modalitatean; eta Arrobitxuloko igogailuaren obra-kontratuaren aldaketa.
Plenoa bukatu ondoren, Tokiko Gobernu Batzordeak egingo du bilera, alkatetzan. Horretan izango dute gai-zerrenda luzeagoa, 13 punturekin. Horien artean, izango dira gai garrantzitsuak: Bidebitarte poligonoko ardatz nagusia hiritartzeko proiektua, ibai parkea haunditzeko proiektua, kiroldegia berritu eta haunditzeko obra-proiektua idazteko zerbitzu-kontratua, merkataritza-ekintzailetza sustatzeko programaren dirulaguntzak...