Beroak atseden pixka bat ematen duenean, kaleko gau giro atseginaz gozatzeko plan polita izango dute astigartarrek, gaurkoan. Izan ere, Alcarrás pelikula jarriko dute kalean, Erriberako atarian, gaueko 22:30etan hasita. Katalanez izango da, gaztelaniazko azpitituluekin. 12 urtetik gorakoei zuzenduta dago, eta doakoa izango da sarrera.
Solé familia da protagonista. Belaunaldiz belaunaldi, murtxikondo sail haundia landu du Alcarràsen, Kataluniako herri txiki batean. Baina 80 urtez lur bera lantzen aritu ondoren, baliteke uda honetakoa izatea azkeneko uzta. 2021eko Berlinale jaialdian saritu zuten filma: Urrezko Hartza jaso zuen.