Mural partehartzaile feminista margotuko dute larunbat honetan, Astigarragako Emakumeon Etxearen kanpoaldean. Goizeko 10:00etan jarri dute hitzordua bertan, horretarako.
Aurreneko saioan, herritarren ideiak bildu zituzten, eta horietatik abiatuta, muralaren diseinua egin dute Saioa Arteaga, Ainhoa Arzallus eta Griselle Morales artista astigartarrek. Irudian ageri dena da diseinua, hain justu. Orain, bertaratutako guztien artean margotuko dute murala. Horretarako, gomendatu dute zikintzeko moduko arropa eramatea.
Murala margotu ondoren, gainera, luntxa izango dute partehartzaileek, eguerdiko 12:30etan.