Berriro ere kalera aterako da danborrada aurten, Santio jaietan: uztailaren 23an izango da, 18:30etan abiatuta. Eta bertan parte hartu nahi duenak, ostiral honetan dauka izena emateko aukera, uztailaren 8an. Horretarako, Joseba Barandiaran plazan egongo dira, arratsaldeko 19:00etatik 20:00etara. 80 lagunentzat izango da tokia, eta pertsona bakoitzak, lau lagunen izena eman ahal izango du gehienez ere. Ostiral honetan plazak bete ezean, hurrengo ostiralean (uztailak 15) ere izango da apuntatzeko aukera, ordu eta toki berean.
18 urtetik gorako edozeinek hartu dezake parte danborradan, eta entsaio bat egingo dute uztailaren 19an: Herri Eskolako patioan, 19:00etan hasita.