Ohiko Plenoa, gaur arratsaldean

Gaur egingo du ekaineko Plenoa Astigarragako Udalak, ohiko deialdian. Udaletxeko areto nagusian izango da, arratsaldeko 19:00etan hasita, eta bederatzi gai izango dituzte lantzeko. Aurreko akta onartu eta kreditu aldaketa baten berri eman ondoren, kontratu aldaketa bat landuko dute: udal eraikinen garbiketaren zerbitzu kontratuaren bigarren lotearena. Ondoren, poltsa konpostagarriak hornitzeko kontratazio espedientearen onarpena bozkatuko dute. Donostia ibilbidea berrurbanizatzeko obren kontratazio espedientearen esleipena ere eztabaidatuko dute Plenoan. LGTBI+ Nazioarteko Egunaren inguruko adierazpen instituzionala landuko dute, eta bi moziorekin bukatuko dute Plenoa. EH Bilduk eta PSE-EEk aurkeztu dute mozio bana, eta biak dira udalerrietan Osakidetzaren anbulatorioak ixtearen kontra egin, eta osasun sistema publikoa indartzea eskatzeko.