Indarkeria Sexistaren Aurkako Matazak mugimenduak Gure Patua Ehunduz poesia eta ilustrazio liburua aurkeztuko du gaur, Erriberan, arratsaldeko 19:00etan.
Gipuzkoako Foru Aldundiaren babesarekin, «9 urtez partekatutako elkarlan, artibismo eta ahizpatasunaren ondoren», mugimenduak eskerrak eman dizkie beraiekin «denbora, abilezia eta feminismoa partekatu duten emakume guztiei». Horretarako aurkeztuko dute, hain zuzen ere, gaurko liburua: «Izan ere, bidai eta ekitaldiz beteriko bidaian zehar irakurri dizkiguten abesti, poema eta idatziak liburu batean batu ditugu».
Ekitaldia aurkeztuko du Josune Muñoz prologoaren idazleak. Gainera, solasaldian izango dira Josefina Salido Crespo, Pilar Rodríguez Arroyo, Karen Rosentreter eta Isabel Otero.
Bestalde, gaurko saioaz gain, biharko ere hitzordua jarri dute. Hain zuen, goizeko 10:00etan, Mil agujas por la dignidad mugimenduko Karen Rosentreter historiagile eta ehunketa-aktibista txiletarrak bordaketa tailer berezia eskainiko du Erriberan.