Ezohiko Plenoa egin zuen Astigarragako Udalak, atzo eguerdian, zinegotzi batek bere kargua uztea erabaki duelako. EAJ-PNVko Antton Costa da kargua utzi duena, eta Olaia Pastorizak hartuko du bere tokia, alderdiaren zerrendako hurrengo biek uko egin ondoren: zerrendako bederatzigarrena zen Pastoriza. Aurreko legealdian, Euskara saileko zinegotzi izan zen Olaia Pastoriza, Jesus Mari Santos eta Zorione Etxezarraga alkate zirela.