Biharko Ingurumenaren Nazioarteko Egunaren harira, gaur goizean Urumea ibaia garbituko dute astigartarrek. Horretarako, hitzordua jarri dute goizeko 11:00etan, Erriberan. Izan ere, ordu horretan, antolatzaileek parte hartzaileei materiala banatuko diete, besteak beste, eskularruak eta poltsak. Behin antolatuta, errekara abiatuko dira, eta bertara heltzean plastiko eta zabor bilketa hasiko dute. Herritarrei bertaratzeko deia luzatu diete Gaea elkarteak eta Arantzazuko Ama ikastetxeak: «familientzat gomendagarria da, beraz, animatu. Horrez gain, biltzen den zabor guztiarekin, Erriberan erakusketa bat egitea aurreikusi dute: «jendea arazoaz kontzientziatzeko».
Ingurumena zaindu edo txukundu nahi duenak, beraz, badu gaurko zeregina.