Heziketa digitalarekin lotuta, bi hitzaldi antolatu dituzte maiatzerako, Astigarragako Herri Eskolako aretoan. Gaur bertan izango da aurrenekoa, arratsaldeko 17:00etan hasita; eta maiatzaren 26an egingo dute bigarrena, ordu berean. Gurasoei zuzendutako saioak izango dira biak, eta bertaratuei balioko diete, hobeto ezagutzeko seme-alabek erabiltzen dituzten sare sozialak (TikTok, besteak beste) eta internet bidezko jolasak. Bi hitzaldien hizkuntza, eta erabili beharreko baliabideak, bertaratutako entzuleen arabera zehaztuko dituzte, saioan bertan.