Tenpora tolosaldean sorturiko taldea da, eta ibilbide luzeko bost musikarik osatzen dute: Hasier Oleaga bateriak, Itsaso Etxebeste baxuak, Juantxo Zeberio teklatuak, Beñat Barandiaran gitarrak eta Elene Arandia ahotsak. 2012an jarri zen martxan taldea, eta geroztik, bi album luze kaleratu dituzte.
Oraingo honetan, 'Berriro asma nazazu' disko berria, gaurko kontzertuan aurkeztuko dute. Taldearen kantuek, pop eta jazz estiloen artean sortuak dira, eta elektronikoa eta progresiboa bezalako eremuetan murgiltzen dute entzulea, abestien bidez.
Kontzerturako sarrerak, salgai
Kontzerturako sarrerak salgai daude, online Udalaren webgunean, www.astigarraga.eus; Erriberan, arratsaldez, eta leihatilan bertan, emanaldiaren egunean, ordubete lehenago. Sarrerek bi prezio dituzte: helduenek 8 euro balio dituzte, eta adin txikikoek, berriz, 4 euro.