Bihar arratsaldeko 19:00etan jarri dute hitzordua Astigarragako udaletxeko aretoan, apirileko osoko bilkurarako. 2022ko martxoren 29ko aktarekin emango zaio hasiera plenoari, eta jarraian, Xabier Urdangarinek, Astigarragako alkateak, tokiko gobernu-batzarrari eskuordetutako eskumenen berri emango du. Horrez gain, aurrekontu batzuk jarriko dira mahai gainean, besteak beste, Astigarraga Lantzen SA sozietate publikoaren aurrekontua, eta Sagardun Partzuergoko aurrekontua. Era berean, landuko diren gaien artean, kiroldegiko tasen aldaketa ere jorratuko da. Eta, Donostialdeko Ibilbidea
ber-urbanizatzeko obren kontratazio-espedientea ere hizpide izango da biharko plenoan. Ondoren, ohi moduan, informazio, galdera eta eskariak egiteko
tartea eskainiko da.