Alokairu sozialeko bost etxebizitzaren zozketa egingo du Astigarragako Udalak, datozen asteotan. Eta horretarako, dagoeneko argitaratu du onartuen eta baztertuen zerrenda, izena eman zuten herritarren artean. Zerrenda ikusgai dago Udalaren webgunean (astigarraga.eus), eta baita udaletxeko iragarki taulan ere. Erabakiarekin ados ez daudenek, 15 egun balioduneko epea daukate alegazioak aurkezteko, zerrenda argitaratu zen egunetik hasita: martxoaren 21era arte.
Zozketatuko diren etxebizitzak, kokatuta daude Aiotzategi kaleko 1go atarian, Urumea kaleko 6garrenean, eta Kale Nagusiko 28garrenean. Zozketaren data aurrerago jakinaraziko dute, baina Aste Santuaren aurretik izango da, ziurrenik.