Hilabete honetako plangintzaren barruan, Zipotza Mendi Taldeak irteera antolatu du igande honetarako. Oraingo honetan, Tolosako Uzturre mendira egingo dute irteera. Goizeko 09:00etan abiatuko dira Zipotzatik, eta ostirala, hilaren 18a, da izena emateko azken eguna. Izenematea, betiko moduan, Zipotzan bertan izango da. «Kotxeei dagokienez, izena ematea dugunon artean moldatuko gara», aipatu dute deialdian.
8,45 kilometroko ibilaldia
Tolosako Santa Lutzian aparkatuko dute, eta bertan amaituko dute ibilaldia. Horrela, beraz, denera, 8,45 kilometroko ibilaldia osatuko dute. Desnibel negatiboa 644 metrokoa da eta zailtasun-maila erraza dela zehaztu dute.