Etzi, Alan Duranen (Ttarttalo) Betiko liburuaren kontakizunaz gozatzeko aukera izango dute astigartar txikienek. Lur Korta izango da ipuin kontalaria, eta lau urtetik gorakoentzat zuzendutako saioa izango da. Arratsaldeko 17:00etan hasiko da, liburutegian. Antolatzaileek aditzera eman dute, 30 haurrentzako saio bakarra eskainiko dela, eta haurrek musukoa jarrita izan beharko dutela: «gainera gurasorik gabe egon behar dute». Bertaratzeko gonbidapena beharrezkoa da, eta liburutegian eskatu behar da aste honetan bertan.