Bihar, zita daukate astigartarrek Erriberan, izan ere, Kutsidazu bidea Ixabel antzerki musikatua eskainiko da,arratsaldeko 20:00etan.
Oholtza gainera igoko dira honako interprete hauek: Xanti Korkostegi, María Redondo, Ainhoa Aierbe, Inazio Tolosa, Karlos Ngeuma, Iker Hutzi, Joli Pascualena eta Santi Romano.
Protagonista Juan Martin da, eta bi auziri egin beharko die aurre: batetik, hizkuntza arazoak ditu, eta bestetik, landa inguruaz ezer gutxi daki. Horrez gain, Ixabel ezagutzen du, familiako alaba, eta musika bidez komunikatuko da berarekin. Sarrerak 8 euro balio du helduentzat eta 4 euro, aldiz, adin txikikoentzat.