Astigarragako Gaztelekuak sare sozialen inguruan antolatu dituen bi hitzaldien berri eman nahi du. Alde batetik, larunbatean azaroaren 27an, nerabeentzako Sare sozialak eta arriskuak hitzaldia antolatu dute gaztelekuan bertan. 17:30etatik 19:30etara izango da hitzaldia.
Beste alde batetik, abenduaren 1ean, asteazkenean, gurasoentzako gai berdinaren inguruko hitzaldia izango da Seme-alabak dabiltzan sare sozialak eta haiekin lotutako arriskuak. Izena eman behar da 690 010 823 telefonoan edo asti.gaztelokala@gmail.com helbide elektronikoan.