'Gurasolagun' proiektuaren lehenengo saioa gaur, «giroa euskalduntzeko»

Gaur emango diote hasiera Gurasolagun egitasmoari. Azaldu dutenez, «gurasoen arteko giroa euskalduntzeko» sortutako proiektua da. Asteartero egongo da elkartzeko aukera, 16:45etatik 18:00etara. Euria eta eguraldi hotzarekin, Herri Eskolako jangela txikian bilduko dira; eguraldi onarekin, aldiz, atzeko jolastokira ateratzeko aukera izango dute. Parte hartu nahi duenak izena eman behar du Erribera kulturgunean, 943 335 064 telefonora deituta, edo, bestela, iker-g@aek.eus helbide elektronikora idatzita.