Astigarragako Udalak hobariak aplikatuko ditu udal tasetan baliabide ekonomiko urriak dituzten herritarrentzat. Udalaren arabera, helburua honakoa da: «oinarrizko udal zerbitzuak ordaintzeko zailtasunak dituzten pertsonak laguntzea». Hobaria %50, %75 edo %90ekoa izango da, bizikidetza unitatearen diru-sarreren eta kide kopuruaren arabera.
Hobaria eskuratzeko hainbat baldintza bete behar dira, hala nola, Astigarragan erroldatuta egotea, Udalarekiko ordainketak egunean izatea, eta azkenik, hobari-taularen arabera diru-sarrerak izatea.
Dokumentazioa eta datak
Honakoa dira aurkeztu beharreko dokumentazioa eta epeak: 2020ko familia unitate kide guztien diru sarrerak; Tasak ordaindu izanaren zinpeko aitorpena; hobaria jasotzeko kontu korrontearen titulartasun ziurtagiria. Dokumentazioa aurkezteko epea, abenduaren 31n amaituko da. Informazio gehiago nahi izanez gero idatzi kontuhartzailea@astigarraga.eus helbide elektronikora, edo deitu 943 335 233 telefonora.