Hobariak, baliabide urriak dituzten herritarrentzat

2021ko eta 2022ko hainbat udal tasatan bonifikazioa eskatzeko epea zabalik dago, abenduaren azken egunera arte. 

Astigarragako Udalak hobariak aplikatuko ditu udal tasetan baliabide ekonomiko urriak dituzten herritarrentzat. Helburua da oinarrizko udal-zerbitzuak ordaintzeko zailtasunak dituzten pertsonak laguntzea. Hobaria %50, %75 edo %90ekoa izango da, bizikidetza unitatearen diru-sarreren eta kide kopuruaren arabera.

Hobaria eskuratzeko, baldintza hauek bete behar dira: Astigarragan erroldatuta egotea, Udalarekiko ordainketak egunean izatea eta hobari-taularen arabera diru-sarrerak izatea.

Hauxe da aurkeztu beharreko dokumentazioa: 2020ko familia-unitate kide guztien dirusarrerak (2020ko errenta-aitorpena edo dirusarrerarik ez duela egiaztatzen duen Foru Ogasunaren ziurtagiria); tasak ordaindu izanaren zinpeko aitorpena; eta, azkenik, hobaria jasotzeko kontu korrontearen titulartasun-ziurtagiria. Dokumentazioa aurkezteko epemuga, berriz, abenduaren 31 da.

Informazio gehiago eskuratu daiteke kontuhartzailea@astigarraga.eus helbidean eta  943 33 52 33 telefonoan.­

Kronika egunero, euskaraz eta doan jasotzen segi ahal izateko, Kronikalari gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez Kronikalari!