Bihar eta etzi daukate aukera bailarako herritarrek, beraien nekazal makinariari ikuskapen teknikoa egiteko (gaztelaniaz ITV dena). Izan ere, Astigarragako bi puntutan egongo dira, traktoreei eta bestelako nekazal makinariari azterketa egiten: Perurenako frontoiaren ondoko aparkalekuan bihar, eta Lizeaga sagardotegiaren ondoko aparkalekuan etzi.
Bi toki horietara gerturatuko da ITVaren unitate mobila, eta Astigarragako zein inguruko herrietako baserritarrei eskainiko die zerbitzua.
Azterketa teknikoa egiteko, hitzordua aldez aurretik
Inguruko baserritar guztiek dute aukera, beraien makinaria ikuskatzera eramateko; baina horretarako, txanda eskatu behar da aldez aurretik: Irungo ITVra deitu behar da, 943 62 63 00 telefonora. Gainera, gomendatu dute norberak gertuen daukan puntura joatea, denek izan dezaten azterketa egiteko aukera.
Momentuan egin beharko da azterketa teknikoaren ordainketa, esku dirutan: 41,88 euro izango dira, traktoreko.