Nesken Nazioarteko Eguna da gaurkoa; eta horren harira, zita garrantzitsua jarri du Harituz elkarteak, larunbat honetarako: Pentsamendu Feminista Topaketaren laugarren edizioa egingo dute, egun osoan zehar, Erribera kulturgunean. Eta aurtengoan, nesken aurkako indarkeriak jarriko dituzte erdigunean.
Bi kazetari ariko dira aurkezle lanetan: Jéssica Murillo, berdintasunean eta genero indarkeriaren interbentzioan aditua; eta Garbiñe San Miguel, EITBko kazetaria. 09:00etan ateak ireki, eta 09:30etan emango diote hasiera topaketari. Lau saio izango dituzte goizean, eta eguerdiko atsedenaren ondotik, beste hiru hitzaldi eta emanaldi bat.
Partehartzea doakoa izango da, baina aldez aurretik eman behar da izena: encuentrofeministamadejas@gmail.com.
Ostiralean, gainera, Hermanas de los árboles dokumentala jarriko dute, Camila Menéndez eta Lucas Peñafortena. 18:00etan izango da, Erriberan bertan; eta solasaldia egingo dute ondoren.
EGITARAUA - URRIAK 16
09:30-10:00, Inaugurazioa
10:00-11:00, Arantza Campos: Nesken eskubideen urraketa. Garapen jasangarrirako 2030 agenda eta bere 17 Garapen Iraunkorrerako Helburuak.
11:00-12:00, Fátima Djarra: Neska jaiotzearen bekatua herrialde perimetraletan, ezkontza behartuak eta emakumeen mutilazio genitala.
12:30-13:30, Ebbaba Hameida: Gehiengo musulmana duten eta gatazkan dauden herrialdeetan neska jaiotzearen prezioa informazio tratamenduan.
13:30-14:30, Carmen Ruiz Repollo: Pornosozializazioa, haur eta nerabeentzako arrisku faktore gisa.
16:00-17:00, Isabel Guerrero: Sexu-heziketa eta nesken ahalduntzea.
17:00-17:30, Marian Moreno Llaneza: Hezkidetza aldaketa faktore gisa: Skolae proiektua.
17:30-18:30, Mahai ingurua: Nesken eskubideen aldeko lana elkarte mugimendutik. Medicus Mundi Gipuzkoa, Euskal Elkartasun Feminista, 7N Plataforma, Clásicas y Modernas, Save a Girl Save a Generation.
18:30-19:00, Malala Yousafzairen omenezko emanaldia, After Perdicesen eskutik: Guerreras de las palabras.
19:00-19:30, II. eta III. Matazak sarien banaketa, Pilar Vicente de Forondaren eskutik.
19:30-20:00, Indarkeria Sexistaren Aurkako Matazak mugimenduaren liburuen zozketa.