Xabier Mikel Azparren astigartarra Espainiako Vueltatik itzuli berri da, eta egun batzuetako deskantsuaren ostean, Trentoko 23 urtez azpiko Europeoan lehiatuko da gaur. Denboraldi bikaina egin du Azparrenek eta Espainiako Vueltak Italiara bidali du egindako lanak.
Proba gogorra izango da gaurkoa; izan ere, karrera hasi eta txirrindulariek berehala topatuko dute lehenengo portua. Gainera, aurreko hiru astetan izandako karga moldatu beharko du Azparrenek. Dena den, ondo moldatuko dela aurreikusi da, txukun aritzen baita astigartarra horrelako ibilbidetan.
Xabier Mikelekin batera, selekzioko gainerako txirrindulariak izango dira Ayuso (UAE), Garía Pierna, Igor Arrieta, Pau Miquel (Kern Pharma) eta Marc Brustenga (Caja Rural).
Europako Txapelketan emaitza ona lortzeaz gain, astigartarrak helburu izango du 23 urtez azpiko Mundialerako postua lortzea selekzioan. Bi aste barru izango da hori, eta lehiaketa horretarako sailkatu ezean, agian, bestelako probaren bat izango du Azparrenek Euskaltel-Euskadirekin. Baina, bestelakoan, amaitutzat joko du aurtengo denboraldia.
Euskaltel-Euskadiko 4 txirrindulari, Europara
Trentora, Italiara, Euskaltel-Euskadiko lau txirrindularik bidaiatu dute. Bost egunez, asteazkenetik hasita bihar arte, Europako Txapelketan parte hartuko dute. Astigartarraz gain, lehian izango dira Idoia Eraso, Eukene Larrarte eta Antonio Soto.