Gaur Iberdrolak Anuska auzoa zeharkatuz Santiagomendiko ur biltegitik hilerrira airetik doan tentsio erdiko linea kentzeko lanak egin behar zituen.
Baina azken orduko arazoak medio, Astigarragako Udalak azaldu du gaurko antolatuta zeuden lanak hurrengo astean egingo direla, eta aipatu dute aurrez jakinaraziko dela noiz egingo diren.
Airetik doan tentsio erdiko kableak kentzeko hiru garabia haundi jarriko dira; «bi Anuska auzoan eta hirugarrena Galtzaur kalean». Ondorioz, hainbat aparkaleku hustu egin beharko dira bezperan. Horrez gain, berriro azpimarratu du Astigarragako Udalak kableak kentzeko lanak zein egunetan egingo diren zehaztu bezain laister jakinaraziko diela herritarrei.