Astigarragako Udalak Emakumeekin eta Kirolarekin lotutako hainbat jarduera antolatuko ditu irailean. Horietako bat izango da, Iñaki Vergararen 'Deporte en femenino' argazki erakusketa. Honako hau ikusgai egongo da Erribera Kulturgunean irailaren 10etik 30era bitartean.
Iñaki Vergararen irudiekin osatutako erakusketa izango da, eta azpimarratzekoa da, herriko emakume kirolarien argazkiekin osatutako atal bat izango du eta hau kontutan izanik, Udalak argazkiak bidaltzeko eskatu die udalerriko emakumeei. Etzi izango da argazkiak bidaltzeko azken eguna.
Argazki motak eta bete beharrekoa
Mota honetako argazkiak bidali beharko dira: herriko emakumeak «federatuak edo ez, berdin dio, edozein kirol egiten». Banakakoak edo taldekakoak izan daitezke, eta azkenik emakume bakoitzak argazki bat bidali dezake.
Parte hartzeko Astigarraga.eus webgunean dauden bi dokumentuak bete behar dira, eta berdintasuna@astigarraga.eus helbidera bidali edo Udaletxeko erregistroan aurkeztu.