Bihar egingo dute hirugarren saioa, Harituz elkarteak eta Skolastikak uztailerako prestatutako tailer sortaren barruan. Eta oraingoan, ¿Quién teme a las brujas? izenekoa landuko dute, arratsaldeko 18:00etan hasita, Erribera kulturgunean. Durangon XVI mendean jazarri eta erre zituzten emakumeei buruzkoa izango da saioa, hain justu. Gaztelaniaz egingo dute.
Partehartzea doakoa izango da, baina horretarako, beharrezkoa da aldez aurretik izena ematea, emailez, helbide honetara idatzita: astiharituz@gmail.com.
Eta helbide horretan bertan eman daiteke izena, dagoeneko, zikloaren laugarren eta azkeneko tailerrerako ere: Sororitatea euskal literaturan. Hilaren 28an izango da, 18:00etan Erriberan; eta bertan, landuko dituzte euskal literaturaren sororitatearen adibideak: «arlo literarioan ere, aspaldidanik ematen dira, eta sare horren ezaugarriak ezagutuko ditugu», aurreratu dute. Euskeraz izango da saioa.