Lurralde erotiko berriak esploratzeko tailerra, azkeneko saioa etzi

Astigarragako Emakumeon Etxeak antolatuta, eta Udalaren eta Plax! zerbitzuaren laguntzarekin, hiru saioko tailerra burutu dute hilabete hauetan: Lurralde erotiko berriak esploratzeko ataria. Apirilean eta maiatzean egin dute saio bana, eta etzi izango da azkenekoa, 17:30etatik 19:00etara, Emakumeon Etxean bertan. Oraingoan, landuko dute zentzumenen indar erotikoa, eta formula erotikoen laborategia. Nerea Sanchok eskainiko du, sexu eta bikote aholkularitzako arduradunak. Saioan parte hartzeko, beharrezkoa da izena ematea: emakumeonetxea.astigarraga@gmail.com.

Larunbatean, berriz, beste tailer bat izango da Emakumeon Etxean: Amatasuna sentituz, sortuz eta pentsatuz. 10:00etatik 14:00etara izango da, eta doakoa da, baina izena eman behar da aldez aurretik: aurreko email berean, edo Emakumeon Etxean.