Beriain konkistatu zuten, astigartarrek
Zipotza Mendi Taldeak Beriain mendira ibilaldia antolatu zuen San Donato izenez ere ezaguna denera. Zipotzan elkartu ziren guztiak, goizeko 08:00etan, eta Beriainera abiatu ziren, Sakanara. Kotxeak mendiaren magalean utzi, eta igoera hasi zuten. Denera, 11 lagun bildu ziren, eta goiz ederra izan zuten. Menditik bueltan, Arbizuko kanpinean bazkaldu zuten denek elkarrekin, Beriainetik oso gertu. Antolatzaileek eskerrak eman dizkie mendizale guztiei ibilaldia egiteagatik: «asko gozatu genuen!».
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!