Ekaineko kultur agendaren baitan, joan den larunbatean, afro dantza tailerra izan zen Emakumeon Etxean. Zehaztutako helburua ederki bete zuten bertaratu ziren guztiek; «dantzaren eta zuzeneko musikaren bidez lurrarekin eta emakumeen feminitatearekin lotura esperimentatzea».
Saioa Olatz Amalurrek gidatu zuen, eta doinu afrikarren laguntzaz, parte-hartzaileek goiz ederra izan zuten. Oinutsik, Afrikako dantzak ezagutu zituzten, eta bertako kulturara gerturatu ziren.