Atseden hartu du Mundarroren talde nagusiak, erregional preferenteen mailakoak, joan den asteburuan. Datorren asteburuan ekingo dio igoera faseari.
Baina talde nagusiari, ezin hobeto hartu dio erreleboa bigarren taldeak, asteburuan: erregionalen lehenengo mailan, txapeldun izateko fasea ari da jokatzen, eta 1-0 nagusitu zen, final laurdenetan, Vasconiaren kontra. Seinek egin zuen partiduko gol bakarra, berak bakarrik egindako jokaldi ederra borobilduta.
Hori horrela, semifinala jokatuko du datorren larunbatean. Etxean ariko dira moreak, Zarkumendegin, arratsaldeko 16:00etan hasita; eta Zumaiako izango dute aurrean.