Bigarren Eskuko Azoka jarri zuten larunbatean, Arantzazuko Amako ikasleek, Joseba Barandiaran plazan. Aurreko egunetan bildutako produktuak jarri zituzten herritarren eskura, eta eskaintza zabala prestatu zuten: jostailuak, poltsak, arropa, altzariak, bizikletentzako osagarriak, ontziak, dekoraziorako piezak, garbiketarako tresnak... Goiz eta arratsalde izan zuten aukera astigartarrek, bakoitzak bere txolloa topatzeko.