Aisialdiko aukera zabala izango dute astigartarrek datozen hilabeteetarako. Jolas Txiki izeneko egitasmoan, esaterako, jolas didaktikoak eta hezitzaileak eta psikomotrizitate ariketak egingo dituzte, eta gorputz adierazpena landuko dute. Halaber, 3 eta 5 urte bitarteko haurrentzat izango da, 09:00etatik 13:00etara. Sei txanda izango dira: ekainaren 21etik uztailaren 2ra; uztailaren 5etik 16ra; uztailaren 19tik 30era; abuztuaren 2tik 13ra; abuztuaren 16tik 27ra; eta, azkenik, abuztuaren 30etik irailaren 3ra. Bihartik ostiralera bitartean izango da, kiroldegian.