Egitarau berezia prestatu du Astigarragako Gaztelekuak, Aste Santuko oporraldirako. Hondartzako boleibolean aritu ziren atzo, eta Time's up jokuarekin aritu ziren astelehenean. Beste hitzordu berezi bat daukate gaur, graffiti tailerra egingo baitute.
Dena den, bihartik aurrera, bost eguneko atsedena hartuko du Gaztelekuak, astelehenera bitarte; eta itxita egongo da egun horietan. Baina indarrak berrituta eta makina bat ekintza berezirekin bueltatuko da asteartean: Gaztelekuko kamixetak egitea, Konkis Txapelketa, eskalada, Karsetara irteera...
'La Basu'rekin rap eta hip-hop saioa, apirilaren 10ean
Baina ekintza guztietan bereziena, apirilaren 10ekoa izango da: La Basu abeslari ezagunaren bisita jasoko du Astigarragako Gaztelekuak, arratsaldeko 17:30etatik aurrera. Tailerra eskainiko du La Basuk berak, gainera: rapa eta hip-hopa euskeraz. Gaztelekuko erabiltzaileek izango dute lehentasuna, tailerrean parte hartzeko.
ASTE SANTUKO EGITARAUA
Martxoak 31, Graffiti tailerra
Apirilak 6, Gaztelekuko kamixetak
Apirilak 7, Konkis Txapelketa
Apirilak 8, Eskalada, goizeko 10:00etatik 13:00etara
Apirilak 9, Karsetara irteera
Apirilak 10, 'La Basu'rekin rapa eta hip-hopa euskeraz, 17:30etan
Apirilak 11, Scape Room Astigarragan