Joan den astean egin zuten Gidabaimena euskaraz egitasmoko zozketa, Buruntzaldea mailan, gidabaimenaren atal teorikoa euskeraz gainditu duten herritarren artean. Eta Astigarragan, Olaia Lizeagari tokatu zitzaion.
Horrela, 400 euroko sari potoloa eskuratu du astigartarrak, eta atzo eguerdian elkartu ziren, Foru Plazan, Lizeaga bera eta Aintzane Barandiaran, Astigarragako Udaleko Euskara saileko zinegotzia. Pozik agertu zen Lizeaga, eta bertan jaso zuen saria, Barandiaranen eskutik.
Guztira, bederatzi sari banatzen dituzte eskualdean urtero, egitasmoan parte hartzen duten autoeskolak adina; eta horietako bat dagokio Astigarragari, aurten Lizeagak jaso duena.