Gaikako zerbitzua indartuko du San Markoseko Mankomunitateak. Gainera Astigarragaren kasuan, furgoneta ibiltaria, Barandiaran Plazan egongo da, hilabeteko bigarren ostiralean, arratsaldeko 16:00etatik 19:15etara eta hilabeteko azken ostiralean, 09:00etatik 12:00etara. Ergobian berriz, hileko azken ostiralean egongo da furgoneta, goizeko 12:10etatik 12:45etara.
Furgonetan biltzen diren hondakinak
Honako hauek dira, Astigarragako furgoneta ibiltariak biltzen dituen hondakinak: Sukaldeko olioak; Pintura, bernizak, disolbatzaileak, kolak...; lanparak eta fluoreszenteak; etxetresna elektriko txikiak; telefono mugikorrak; garbiketarako produktu kimikoak; termometroak; informatikako materiala: monitoreak, teklatuak... pilak eta bateriak; aerosol toxikoak: intsektizidak, lakak... (beraien ontzi hutsak ere bai); automobiletako olioak, bateriak, iragazkiak, izotz-kontrakoak... kamerak eta argazkilaritza-materiala; erradiografiak; herbizidak eta intsektizidak; inprimagailuetako kartutxoak eta tonerrak; jostailu elektriko eta elektronikoak; CDak, DVDak...
Bilketa egutegi eguneratua hemen aurkitu daiteke: https://labur.eus/YpiRF. Etxeko hondakin arriskutsuen gaineko bilketaren informazioa berriz ondoko esteka honetan aurkitu daiteke: https://labur.eus/CAkne.