Sukaldaritza tailerra egingo dute otsaileko Zilegi Eskolan, AEK euskaltegiak eta Astigarragako Udaleko Euskara Sailak antolatuta. Datorren astean izango da, otsailaren 18an, 09:30etan Kontxaenean (kultur etxe zaharrean). Arrate Imaz Arinen eskutik, bi orduko saioa egingo dute, zizka-mizkak egiten ikasteko: bazkari edo afari berezi baterako pintxoak. Doakoa izango da, baina parte hartzeko, izena eman behar da aurrez: Erribera kulturgunean, edota zilegieskola@aek.eus helbidera idatzita.