Opariz betetako Gabonak izan dira hauek, Astiko elkarteko taberna eta denden bezeroentzat. Izan ere, 100 saski banatu ditu Astikok guztira, establezimendu horietan kontsumitu duten herritarren artean, Guztion Gabonak kanpainaren barruan.
Horietatik, erdia banatu dituzte zuzenean, harraskatu eta irabazi txartelen bitartez. Abenduaren 23tik 4ra bitarte, 15.000 txartel banatu zituzten herriko establezimenduetan, bertan erosi edo kontsumitu dutenen artean. Horrela, saria zuten txartelak jaso zituztenek, zuzenean eskuratu zuten saski bana.
Baina txartelean saririk ez zuenak, bigarren aukera bat ere izan du, saskia eskuratzeko. Izan ere, izen-abizenak eta telefonoa idatzi zituzten txarteletan, eta kutxa batean sartu zituzten, zozketan parte hartzeko. Egun hauetan egin dute zozketa, eta horrela, banatu dituzte beste 50 Gabonetako saskiak, herritaren artean.
Saskia tokatu zaienek, deia jaso dute egun hauetan
Zozketa bidez saskia tokatu zaienei, egun hauetan deituko diete Astiko elkartetik, jakinarazteko. Eta bihartik aurrera jaso ahal izango dute saskia, txartela jaso zuten establezimenduan.
Horrela, herriko 26 establezimendutan banatuko dituzte 50 saski horiek: Amalei estetika zentroa, Astihortz, Beti-goxo, Bukoi taberna, Coviran Isa, Ekaitz taberna, Eroski City, Ezpela naturdenda, Gnomos paperdenda, Ibai Lur jatetxea, Ikatza taberna, Kaizoku taberna, Kixkur ileapaindegia, Kizki taberna, Kos fisioterapia eta akupuntura, Kris Auzmendi ileapaindegia, Kupela taberna, Laket taberna, Maieko ileapaindegia, Merke azoka, Valella okindegia, Pastoriza taberna, Sagartxo taberna, Troya jatetxea, Yoss ileapaindegia, eta Zubitxo frutadenda.
Partehartzaileei, eskerrak
Saridunak zoriondu nahi izan ditu Astiko elkarteak, eta era berean, eskerrak eman dizkie Gabonetan zehar Astigarragan erosi eta kontsumituta zozketan parte hartu duten guztiei.