Jadanik martxa hartuta du Astigarragako kultur agendak, eta gaur irakurketa kluba eskainiko da arratsaldeko 19:30etan hasita, Erribera Kulturgunean.
Gaurko saioa, Harkaitz Cano eta Adur Larreak idatzitako Antzara eguna liburuaren ingurukoa izango da. Isabel Etxeberriak gidatuko du gaur arratsaldeko saioa, eta antolatzaileek jakinarazi dute, parte hartze irekia eta doakoa dela.
Etzi ere, kultur agendari jarraipena emateko, ipuin ordua antolatu da. Bi saio izango dira, hamabosna haurrentzako, lehena arratsaldeko 17:00etan hasiko da eta bigarrena 17:45etan. Zazpi antxumeak ipuinari buruz jardungo du Lur Kortak. Biak 4 urtetik aurrerako haurrentzat dira eta hauek musukoa jarrita eta gurasorik gabe egon beharko dutela azaldu dute.
Gonbidapenak, liburutegian
Antolatzaileek jakinarazi dute gonbidapenak liburutegian aurrez eskatu behar direla.