Aste honetan hasiko da kultur ikastaroen bigarren hiruhilekoa, Aste Santura bitartekoa, Erribera kulturgunean. Eta bi ikastarotan, izena emateko aukera dago oraindik: yoga eta joskintza ikastaroetan, hain justu.
Yoga ikastaroan, hiru talde daude aukeran, eta guztiek izango dituzte saioak astearte eta ostegunetan, baina ordutegi desberdinarekin: goizez izango da bat, 09:30etatik 11:00etara; eta arratsaldez beste biak, 16:30etatik 18:00etara aurrenekoa, eta 18:30etatik 20:00etara bigarrena.
Joskintza tailerrak, berriz, talde bakarra izango du, eta ostegunean egingo dituzte saioak, arratsaldeko 18:30etan hasi eta 20:30ak arte.
Bi ikastaroetan izena emateko, Erribera kulturgunera jo daiteke, edo deitu 943 33 50 64 telefono zenbakira.