Patxo Telleriak eta Mikel Martinezek osatutako bikote artistikoaren ikuskizun berria da Ez dok ero, eta Bilbon estreinatu ondoren, Astigarragan eskainiko dute larunbat honetan, Gipuzkoan aurrenekoz. Erribera kulturgunean izango da hori, arratsaldeko 19:00etatik aurrera, ordu erdi aurreratu baitute.
Emanaldirako sarrerak, aurretik eskuratu behar dira. Salgai daude, www.astigarraga.eus webgunean, edo Erriberan bertan, 09:00etatik 13:00etara bitartean eta 16:00etatik 20:00etara. Helduentzat, 6 euroko prezioa dute sarrerek; eta haurrentzat, 3 euro dira. Egunean bertan ere izango da sarrerak eskuratzeko aukera, saioa hasi baino ordubete lehenago, Erriberan bertan.