Aurrekontu partehartzaileen prozesuan bilerak egiten ari dira astean zehar Astigarragako auzo eta leku desberdinetan. Gaur, Santiomendi ekialdean, Ermaña aurrean, 18:30etatik 20:00etara izango da saioa. Azkenaurreko bilera Udaletxeko plazan izango da, bihar, ostirala, 16:00etatik 17:30etara bitartean. Eta azken saioa urriaren 26an egingo da, Oialumen, Auzobiltokiaren aurrean, 18:30etatik 20:00etara. Aurrekontuetan partehartu nahi dutenek, Udalaren webgunera idatzita azaldu ditzakete beraien ideiak. Edo, bestela, zuzenean https://www.astigarraga.eus/eu/bidali-mezua estekan sartu eta iritzi, ekarpen, proposamen edo kexak idatzi daitezke. Horretarako, datu batzuk bete behar dira lehenik.