Astigarragako Udalaren Berdintasun sailak, «Astigarragan emakumeen eta gizonen benetako berdintasuna lortzeko baldintza egokiak ezarri eta sustatzea» du helburu. Hori horrela, hainbat saio antolatu dira, «Emakumeen etxea herriko emakumeekin batera ko-diseinatzeko» prozesu bat garatu nahi dutelako. Urriaren 8an egin zen lehenengo saioa, eta urriaren 22an, ostegunean, egingo da bigarrena. Gaineratu dute, egungo osasun-egoera dela eta, aforoa 30 emakumetara mugatuko dela. Horrez gain, zaintza zerbitzua eskainiko da.