2021eko udal egutegia osatuko duten argazkiak hautatzeko lehiaketa antolatu du Astigarragako Udalak, eta «ura» izango da gaia. Oraindik parte hartzeko aukera dago, hilaren 30era arte, Erribera kulturgunean, edo astigarraga.kultura@gmail.com helbidera bidaliz. Jasotzen diren argazkietatik 13 aukeratuko dituzte eta lehena azalean agertuko da. Epaimahaikideek hartutako erabakia eta sari banaketa, azaroaren 6an adieraziko dute.