Martxan jarriko da Astigarragako Gaztelekua, berriro ere, ikasturte honetan. Baina iraileko buelta hau, beste batzuetatik oso desberdina izango da, haienean.
Bi arrazoi izango dira tarteko, bereziki. Batetik, Koronabirusaren pandemiaren eragina. Horren ondorioz, kanpoko ekintzak antolatuko dituzte soilik, prebentzio neurrien artean kaleko ekintzak lehenestea eskatu dietelako.
Ikasturte hau desberdina izateko beste arrazoia, aldiz, pozgarriagoa da: azpiegitura berria izango du Gaztelekuak; lokal berria, alegia. Izan ere, kultur etxe zaharrera mugituko dute Gaztelekua, bigarren solairura.
Lokal berria ez dago prest oraindik, ordea; eta urriaren 3an egingo dute irekiera ofiziala. Bitartean, kalea erabili beharko dute beraien ekintzetarako.
Gaur bertan izango da aurrenekoa; hain justu, lokal berriarekin lotutakoa: pista-jolasa antolatu dute, nerabeei kokapen berria ezagutzera eman eta informatzeko asmoz. Horretarako, gaur arratsaldeko 17:00etan egin dute kedada, Astigarragako nerabe guztiekin.