Aurtengo SagarKultur dinamikari amaiera emateko, azken ekitaldiak antolatu dituzte, Astarbe Sagardotegian. Orain artekoarekin jarraitzeko, larunbat gauean bi kontzertu izango dira eta igandean beste kultur saio bat egingo dute.
Larunbat gauean sagardotegira joatera animatzen denak, menu goxo bat afaldu eta gero musikaz gozatzeko aukera izango du. Anai taldearen kontzertua izango da lehenengo eta ondoren, Natali musika taldea igoko da oholtza gainera. Eta asteburua ondo bukatzeko, igandean Txomin&Txistuman saioa izango da sagardotegian, bazkal ostean.
Emanaldietako sarrera eskuratu nahi duenak webgune honetan izango du erosteko aukera: www.astigarraga.eus. Eta sagardotegiko menua eta kontzertua biak batean biltzen dituen sarrera, 943 55 1527 telefonora deituta eskuratu ahal izango da.