Larunbatean, Astigarragako Erribera kultur etxearen inaugurazioa egingo da. Eta horrekin batera, abian jarri zen postal lehiaketan parte hartzeko azken eguna bihar izango da. Egungo kultur etxea agurtzeko eta Erriberari ongietorria egiteko, postala bete, telefono zenbakia idatzi eta zozketan parte hartuko da. Postalaren atzealdean bi gogoeta idatzi daitezke, bi marrazki egin, edo bi sentsazio islatu «Agur kultur etxea esaldiari erantzunez bat, eta Kaixo Erribera esaldiari bestea».
Gainera gogorarazi dute, larunbatean, kultur etxe zaharrari «agur» esateko aukera izango dutela herritarrek goizean, «hainbestetan erabili izan dituzuen txoko horiek azken aldiz ibiltzeko».