UDALA

Haurren zaintzarako kontratazioak egiteko dirulaguntzak emango ditu, Astigarragako Udalak

Koronabirusak eragindako osasun krisiaren eraginez, haurren ziantza «zaildu» egin dela azaldu du Astigarragako Udalak. Hori horrela, 0 eta 4 urte bitarteko haurren zaintza gastua ordaintzeko dirulaguntzak emango ditu, eta horretarako 25.000euro aurreikusi ditu. 

Astigarragako Udalak, haurren zaintzarako kotratazioak egiteko dirulaguntzak emango ditu, izan ere, Covid-19ak eragindako osasun krisiaren ondorioz, «zaildu egin da haurren zaintza». 
Dirulaguntza hauek, 2020ko ekainaren 1etik, abenduaren 31ra arte, «0 eta 4 urte bitarteko haurrak zaintzeko kontratazioak egin dituzten Astigarragako herritarrek eska ditzakete». 

«Haurren kontratazioak egiteko dirulaguntzetarako,  25.000 euro aurreikusi ditugu»


Familia bakoitzak kontratazio gastuaren %50a jasoko du, «gehienez ere 500 euroko laguntza arte hileko». Hala ere, salbuespen kasu batzuk aurreikusi ditu Udalak, aipatutako ehuneko eta kopuruari gehikuntzak aplikatzeko. Hala nola, guraso bakarreko familiek, %10 gehiago, genero indarkeria biktima direnek %10 gehiago, familia unitateko kideren batek %33tik gorako urritasunen bat badu, %10 gehiago, eta DSBE jasotzen duten titularrak edo onuradunak, gizarte bazterketa arriskuan dauden pertsonak, %10 gehiago. 

Eskariak aurkezteko, epeak eta tokia
Jada irekita dago eskariak aurkezteko epea, larunbatean ireki zen hain zuzen, eta azaroaren 15ean amaituko da. 
Eskariak, bi bideetatik egin daitezke. Modu telematikoan, «udal zerbitzu telematikoen tresna erabiliz», eta modu presentzialean, «udaletxeko erregistrora gerturatuz».