Aztifemiak

Galdetegia, Emakumeen Etxearen bueltan

Apirilaren 20ra arte erantzun daiteke Astigarragako Emakumeen Etxearen inguruko galdeketa.

Emakumeen Etxearen inguruko gogoeta prozesua jarri du martxan Aztifemiak emakume feministen taldeak. «Gure asmoa da herriko emakumeen iritziak, kezkak, beharrak, proposamenak eta nahiak identifikatzea», azaldu dute.

Horretarako, galdetegi bat prestatu dute, modu anonimoan online erantzun daitekeena: https://forms.gle/fDsthrQCJNzhJGhi7.

«Astigarragako Emakumeen Etxea denon artean sortzea ezinbestekoa dela uste dugulako, has gaitezen herritarren artean pausoak ematen», animatu dute. Galdetegia apirilaren 20ra arte bete ahal izango da.