Udala

Abanton gertatutako bi hilketak gaitzesteko adierazpena

Kronika - Erredakzioa 2020ko mar. 14a, 00:00

Abanto-Zierbenan gertatu dira hilketak eta kontzentrazioak egin dira bertan ere.

Bi emakumeren hilketak direla eta, Udalak gaitzespen adierazpena onartu du eta elkarretaratzea egin zen ostegunean.

Astigarragako Udalak bere gaitzespen irmoena azaldu zuen Abanto Zierbenan asteazkenean gertatutako bi emakumeren hilketen aurrean, eta elkartasuna adierazten die senideei eta biktimen hurbilekoei.

Astigarragako Udalak gogorarazten du heriotzek emakumeenganako indarkeriaren arazoaren alderdi bat baino ez dutela erakusten, izan ere, egoera hori emakumeen eta gizonen arteko desberdintasunean sortzen da. «Emakumeenganako indarkeria (psikologikoa, ekonomikoa, fisikoa, sexuala) emakumeen duintasunaren eta segurtasun fisiko nahiz moralaren aurkako eraso larria da, eta, ondorioz, giza eskubideen urraketa larri eta onartezina».

Udalaren adierazpenetan. «Tragedia honek berriro dakarkigu gogora hala erakundeek nola euskal gizarte osoak daukagun erantzukizuna, gure udalerrietan berdintasuna eraginkor egiteko. Zentzu horretan, gure sentsibilizazio eta prebentzio ekintzak indartzen jarraitu behar dugu, etorkizuna ordezkatzen dutenei zuzenduta, gure herritar gazteenei zuzenduta, alegia». Hilketa horiek gaitzesteko, Udalak deituta, elkarretaratze ixila egin zen ilunabarrean Joseba Barandiaran plazan.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!