Adinekoek eta ikasleek bi saio, datorren astean

Datorren astean izango du segida, Galtzaur elkartean, Udalak antolatutako Astigarraga Ehuntzen egitasmoak. Data batzuk aldatu dituzte, eta hori horrela, bi saio egingo dituzte, datozen egunetan. Asteartean, martxoaren 10ean, Do it yourself lorategiak egiteko daukate hitzordua, herriko adineko pertsonek, eta Arantzazuko Amako DBH 3 eta 4 mailetako ikasleek. Eta ostegunean, sexualitateari buruz hitz egingo dute elkarrekin, «interes komunak elkarbanatuz eta ezagutzak partekatuz».

Saio guztiak bezala, Galtzaur elkartean izango dira, goizeko 11:30etatik 14:30etara.
Egitasmoko bosgarren eta seigarren saioak izango dira bi horiek; eta azkeneko bat faltako dute, sukaldaritzari buruzkoa, martxoaren 26an egingo dutena, toki eta ordu berean.